व्यवस्थापन

श्रीसमर्थांच्या हयातीतच त्यांच्या प्रमुख शिष्यांनी श्रीसमर्थांच्या नंतर संस्थानची व्यवस्था पाहण्याची असमर्थता व्यक्त केल्याने श्रीसमर्थांनी अशी आज्ञा केली की, त्यांचे पूजनीय ज्येष्ठ बंधू श्रीगंगाधर सूर्याजी ठोसर यांचे चिंरजीवास संस्थानचे अधिपती करावे. परंतू श्रीसमर्थांचे निर्वाणानंतरच्या अस्थिर राजकीय परिस्थितीमुळे शिष्यांना श्रीसमर्थांच्या पुतण्यांना श्रीसमर्थांचे जन्मस्थान जांब येथून आणणे जमले नाही. यामुळे समर्थशिष्य आक्काबाई व उद्धवस्वामी यांनी संस्थानची व्यवस्था २८ वर्षे सांभाळली. श्रीसमर्थांच्या इच्छेनुसार छत्रपती शाहू महाराजांनी श्रीश्रेष्ठ गंगाधर (ठोसर) स्वामी यांचे नातू श्रीगंगाधर रामजी ठोसर यांना इ.स. १७१० मध्ये जांबहून सज्जनगडावर आणले आणि त्यांना समारंभपूर्वक संप्रदायाचे व संस्थानचे अधिपती केले. तेव्हापासून संस्थानच्या अधिपतीपदी श्रीसमर्थ वंशातील व्यक्ती